Gurdaspur

ਸੀਨੀਅਰ ਸਿਟੀਜਨ, ਸਹੀਦ ਪਰਿਵਾਰਾਂ ਦੇ ਮੈਂਬਰ ਅਤੇ ਸੈਨਿਕਾਂ ਨੂੰ ਸਾਰੇ ਸਰਕਾਰੀ ਦਫਤਰਾਂ ਵਿੱਚ ਦਿੱਤਾ ਜਾਵੇਗਾ ਮਾਨ ਸਮਮਾਨ- ਡਿਪਟੀ ਕਮਿਸ਼ਨਰ

????????????????????????????????????

ਸੀਨੀਅਰ ਸਿਟੀਜਨ, ਸਹੀਦ ਪਰਿਵਾਰਾਂ ਦੇ ਮੈਂਬਰ ਅਤੇ ਸੈਨਿਕਾਂ ਦੇ ਪਹਿਲ ਦੇ ਅਧਾਰ ਤੇ ਕੰਮ ਨੂੰ ਦਿੱਤੀ ਜਾਵੇ ਤਰਜੀਹ
ਪਠਾਨਕੋਟ/ਗੁਰਦਾਸਪੁਰ, 3 ਮਾਰਚ (ਗੁਲਸ਼ਨ ਕੁਮਾਰ) – ਜਦੋਂ ਵੀ ਸਰਕਾਰੀ ਦਫਤਰਾਂ ਦੇ ਵਿੱਚ ਸ਼ਹੀਦ ਪਰਿਵਾਰ ਨਾਲ ਸਬੰਧਤ ਕੋਈ ਪਰਿਵਾਰਕ ਮੈਂਬਰ ਜਾਂ ਸੀਨੀਅਰ ਸਿਟੀਜਨ ਜਾਂ ਕੋਈ ਫੌਜੀ ਜਵਾਨ ਛੁੱਟੀ ਦੌਰਾਨ ਦਫਤਰ ਵਿੱਚ ਕਿਸੇ ਸਰਕਾਰੀ ਕੰਮ ਲਈ ਆਉਂਦੇ ਹਨ ਤਾਂ ਉਹਨਾਂ ਨੂੰ ਬਣਦਾ ਮਾਨ ਸਨਮਾਨ ਨਹੀਂ ਦਿੱਤਾ ਜਾਂਦਾ ਹੈ ਅਤੇ ਛੋਟੇ-ਛੋਟੇ ਕੰਮਾਂ ਲਈ ਕਈ ਵਾਰ ਚੱਕਰ ਮਾਰਨੇ ਪੈਂਦੇ ਹਨ। ਇਹ ਪ੍ਰਗਟਾਵਾ ਸ. ਗੁਰਪ੍ਰੀਤ ਸਿੰਘ ਖਹਿਰਾ ਡਿਪਟੀ ਕਮਿਸ਼ਨਰ ਪਠਾਨਕੋਟ ਨੇ ਕੀਤਾ। ਉਨ੍ਹਾਂ ਕਿਹਾ ਕਿ ਸ਼ਹੀਦਾਂ ਨੇ ਸਾਡੇ ਦੇਸ ਦੀ ਰੱਖਿਆ ਲਈ ਆਪਣੀਆਂ ਜਾਨਾਂ ਨਿਸ਼ਾਵਰ ਕਰਕੇ ਸਾਡੇ ਅਮਨ ਅਮਾਨ ਨੂੰ ਬਰਕਰਾਰ ਰੱਖਿਆ ਹੈ। ਇਸ ਲਈ ਸਾਡਾ ਸਾਰਿਆਂ ਦਾ ਫਰਜ ਬਣਦਾ ਹੈ ਕਿ ਉਹਨਾਂ ਦੇ ਪਰਿਵਾਰਾਂ ਨੂੰ ਵਿਸ਼ੇਸ਼ ਆਦਰ ਮਾਨ ਸਨਮਾਨ ਦਿੰਦੇ ਹੋਏ ਉਹਨਾਂ ਦਾ ਕੰਮ ਪਹਿਲ ਦੇ ਅਧਾਰ ਤੇ ਨਿਪਟਾਇਆ ਜਾਵੇ।ਇਸੇ ਤਰ੍ਹਾਂ ਸਾਡੇ ਬਜੁਰਗ ਜੋ ਆਪਣੇ ਮਸਲੇ ਲੈ ਕੇ ਦਫਤਰਾਂ ਵਿੱਚ ਆਉਂਦੇ ਹਨ ਉਹਨਾਂ ਨੂੰ ਵੀ ਬੜ੍ਹੇ ਆਦਰ ਸਤਿਕਾਰ ਨਾਲ ਪੇਸ ਆਕੇ ਉਹਨ੍ਹਾਂ ਦਾ ਕੰਮ ਪਹਿਲ ਦੇ ਅਧਾਰ ਤੇ ਕੀਤਾ ਜਾਵੇ। ਜਿਥੇ ਕੋਈ ਸੇਵਾਵਾਂ ਲੈਣ ਲਈ ਲਾਈਨਾਂ ਲਗਦੀਆਂ ਹੋਣ ਉਥੇ ਬਜੁਰਗਾਂ ਵਾਸਤੇ ਵੱਖਰੀ ਲਾਈਨ ਲਗਾ ਕੇ ਉਹਨਾਂ ਨੂੰ ਸੇਵਾਵਾਂ ਪਹਿਲ ਦੇ ਅਧਾਰ ਤੇ ਦਿੱਤੀਆਂ ਜਾਣ। ਸੇਵਾ ਕੇਂਦਰਾ ਵਿੱਚ ਅਕਸਰ ਕਾਫੀ ਭੀੜ ਹੁੰਦੀ ਹੈ। ਇਸ ਲਈ ਜਿਲ੍ਹਾ ਮੈਨੇਜਰ, ਸੇਵਾ ਕੇਂਦਰ ਇਸ ਗੱਲ ਨੂੰ ਯਕੀਨੀ ਬਨਾਉਣ ਕਿ ਕੋਈ ਵੀ ਓਪਰੇਟਰ ਬਜੁਰਗਾਂ ਨਾਲ ਬੜ੍ਹੇ ਆਦਰ ਸਤਿਕਾਰ ਨਾਮ ਪੇਸ਼ ਆਉਣ ਅਤੇ ਉਹਨਾਂ ਦਾ ਮਸਲਾ ਵੱਖਰੀ ਲਾਈਨ ਲਗਾ ਕੇ ਪਹਿਲ ਦੇ ਅਧਾਰ ਤੇ ਹੱਲ ਕੀਤਾ ਜਾਵੇ। ਉਨ੍ਹਾਂ ਕਿਹਾ ਕਿ ਜੇਕਰ ਕਿਸੇ ਕੰਮ ਨੂੰ ਸਮਾਂ ਲੱਗਣ ਦੀ ਸੰਭਾਵਨਾ ਹੈ ਤਾਂ ਬਜੁਰਗਾਂ ਨੂੰ ਬਿੱਠਾ ਕੇ ਅਦਬ ਸਤਿਕਾਰ ਸਹਿਤ ਕੁਝ ਦੇਰ ਇੰਤਜਾਰ ਕਰਨ ਲਈ ਕਿਹਾ ਜਾਵੇ। ਉਨ੍ਹਾਂ ਕਿਹਾ ਕਿ ਇਸ ਤੋਂ ਇਲਾਵਾ ਛੁੱਟੀ ਦੌਰਾਨ ਜੋ ਫੌਜੀ ਆਪਣੇ ਪਰਿਵਾਰ ਨੂੰ ਮਿਲਣ ਲਈ ਘਰ ਆਉਂਦੇ ਹਨ ਜਿਨ੍ਹਾਂ ਕੋਲ ਆਪਣੇ ਨਿੱਜੀ ਕੰਮਾਂ ਲਈ ਬਹੁਤ ਥੋੜ੍ਹਾ ਸਮਾਂ ਹੁੰਦਾ ਹੈ ਅਤੇ ਇਸ ਦੌਰਾਨ ਉਹ ਦਫਤਰਾਂ ਵਿੱਚ ਹੀ ਖੱਜਲ ਖੁਆਰ ਹੁੰਦੇ ਰਹਿੰਦੇ ਹਨ। ਉਹਨਾਂ ਤੇ ਇਸ ਗੱਲ ਦਾ ਵੀ ਤਨਾਵ ਹੁੰਦਾ ਹੈ ਕਿ ਉਹ ਆਪਣੀ ਛੁੱਟੀ ਦੌਰਾਨ ਆਪਣੇ ਸਰਕਾਰੀ ਕੰਮ ਕਾਜ ਨਿਪਟਾ ਲੈਣ। ਇਸ ਲਈ ਸਮੂਹ ਅਧਿਕਾਰੀ ਇਸ ਗੱਲ ਨੂੰ ਯਕੀਨੀ ਬਣਾਉਣ ਕਿ ਉਹਨਾਂ ਦੇ ਅਧੀਨ ਕੰਮ ਕਰਦੇ ਕਰਮਚਾਰੀ ਛੁੱਟੀ ਦੌਰਾਨ ਆਏ ਫੋਜੀਆਂ ਨੂੰ ਬੇਵਜ੍ਹਾ ਲਟਕਾਇਆ ਤਾਂ ਨਹੀਂ ਜਾ ਰਿਹਾ। ਇਸ ਲਈ ਉਹ ਖੁਦ ਇਹਨਾਂ ਕੰਮਾਂ ਨੂੰ ਮੋਨੀਟਰ ਕਰਨ।

Tags