ਕਪੂਰ ਪਿੰਡ ਵਿਖੇ ਸਿਆਣ ਜਠੇਰਿਆਂ ਦਾ ਜੋੜ ਮੇਲਾ ਮਨਾਇਆ

ਜੋੜ ਮੇਲੇ ਦੋਰਾਨ ਗਾਇਕਾ ਅਨੀਸ਼ਾਂ ਵਾਲੀਆਂ ਦਾ ਸਨਮਾਨ ਕਰਦੇ ਪ੍ਰਧਾਨ ਦਰਸ਼ਨ ਰਾਮ, ਮੀਤ ਪ੍ਰਧਾਨ ਪਿਆਰਾ ਰਾਮ, ਚਮਨ ਲਾਲ ਮਨਜਿੰਦਰ ਤੇ ਹੋਰ।  

ਅਮਰਜੀਤ ਸਿੰਘ ਜੰਡੂ ਸਿੰਘਾ- ਕਪੂਰ ਪਿੰਡ ਵਿਖੇ ਸਿਆਣ ਗੋਤ ਜਠੇਰਿਆਂ ਦੇ ਸਥਾਨ ਤੇ ਸਲਾਨਾ ਜੋੜ ਮੇਲਾ ਸਮੂਹ ਪ੍ਰਬੰਧਕ ਕਮੇਟੀ ਦੀ ਦੇਖਰੇਖ ਹੇਠ ਸਮੂਹ ਦੇਸ਼ਾਂ ਵਿਦੇਸ਼ਾਂ ਦੀਆਂ ਸੰਗਤਾਂ ਦੇ ਸਹਿਯੋਗ ਨਾਲ ਸ਼ਰਧਾ ਭਾਵਨਾ ਨਾਲ ਮਨਾਇਆ ਗਿਆ। ਜਿਸਦੇ ਸਬੰਧ ਵਿੱਚ ਸਵੇਰੇ 11 ਵਜੇ ਝੰਡਾ ਚੜਾਉਣ ਦੀ ਰਸਮ ਸੰਗਤਾਂ ਵੱਲੋਂ ਅਦਾ ਕੀਤੀ ਗਈ। ਉਪਰੰਤ ਵਡੇਰਿਆਂ ਦੀ ਪੂਜਾ ਵੀ ਸੰਗਤਾਂ ਵੱਲੋਂ ਕੀਤੀ ਗਈ। ਇਸ ਮੌਕੇ ਕਰਵਾਏ ਸਭਿਆਚਾਰਕ ਪ੍ਰੋਗਰਾਮ ਵਿੱਚ ਗਾਇਕਾ ਅਨੀਸ਼ਾ ਵਾਲੀਆ, ਸੁਖਦੇਵ ਸ਼ੇਰਾ, ਪਰਮਜੋਤ, ਬਿੱਟੂ ਸਿਆਣ, ਬਿੱਲਾ ਹਰੀਪੁਰੀਆ, ਰੇਸ਼ਮ ਨਰੰਗਪੁਰੀ, ਉਮਜੀਤ, ਰਾਮ ਲੁਬਾਇਆ, ਜਸਵਿੰਦਰ ਗੁਲਾਮ, ਰਵੀ ਨਰੰਗਪੁਰ, ਸੁਰਿੰਦਰ ਸਿਆਣ ਤੇ ਹੋਰ ਕਲਾਕਾਰਾਂ ਨੇ ਸੰਗਤਾਂ ਨੂੰ ਬਾਬਾ ਜੀ ਦੀ ਮਹਿਮਾ ਗਾ ਕੇ ਨਿਹਾਲ ਕੀਤਾ। ਸਿਆਣ ਪ੍ਰਬੰਧਕ ਕਮੇਟੀ ਦੇ ਪ੍ਰਧਾਨ ਦਰਸ਼ਨ ਰਾਮ ਸਿਆਣ ਤੇ ਮੈਂਬਰਾਂ ਨੇ ਵੱਖ ਵੱਖ ਸੇਵਾਵਾਂ ਨਿਭਾਉਣ ਵਾਲੇ ਸੇਵਾਦਾਰਾਂ ਦਾ ਵਿਸ਼ੇਸ਼ ਸਨਮਾਨ ਵੀ ਕੀਤਾ। ਇਸ ਮੌਕੇ ਤੇ ਪ੍ਰਧਾਨ ਦਰਸ਼ਨ ਰਾਮ ਸਿਆਣ, ਮੀਤ ਪ੍ਰਧਾਨ ਪਿਆਰਾ ਰਾਮ ਨਰੰਗਪੁਰ, ਸਾਬਕਾ ਸਰਪੰਚ ਚਮਨ ਲਾਲ ਕਪੂਰ ਪਿੰਡ, ਸਾਬਕਾ ਸਰਪੰਚ ਬਲਵੀਰ ਕੌਰ, ਸੁਰਜੀਤ ਸਿੰਘ ਨਰੰਗਪੁਰ ਸਾਬਕਾ ਸਰਪੰਚ, ਮਨਜਿੰਦਰ ਸਿਆਣ, ਨਿਰਮਲ ਦਾਸ ਨਰੰਗਪੁਰ, ਸੋਨੂੰ, ਉਮ ਪ੍ਰਕਾਸ਼, ਘੁੰਕੀ, ਵਿੱਕਾ ਤੇ ਹੋਰ ਸੇਵਾਦਾਰ ਹਾਜ਼ਰ ਸਨ।