ਦੀ ਇੰਪੀਰੀਅਲ ਸਕੂਲ ਗਰੀਨ ਕੈਂਪਸ ਆਦਮਪੁਰ ਦੀ ਵਿਦਿਆਰਥਣ ਚੇਹਕ ਤਨਵਰ ਨੇ "ਕਿਸਮੇ ਕਿਤਨਾ ਹੈ ਦਮ- ਟੈਲੇਂਟ ਮਹਾਂ ਸੰਗਰਾਮ ਵਿੱਚ ਪਹਿਲਾ ਸਥਾਨ ਪ੍ਰਾਪਤ ਕੀਤਾ

ਧੂਰੀ 25 ਜੂਨ (ਬਿਉਰੋ)- ਸੰਗਰੂਰ ਪੰਜਾਬ ਦੇ ਪ੍ਰਿੰਸ ਵਿਲਾ ਵਿਖੇ ਆਯੋਜਿਤ ਟੀ.ਵੀ ਰਿਐਲਿਟੀ ਸੋਅ ’ ਕਿਸਮੇ ਕਿਤਨਾ ਹੈ ਦਮ-ਟੈਲੇਂਟ ਮਹਾਂ ਸੰਗਰਾਮ ਦੇ ਗਰੈਂਡ ਫਿਨਾਲੇ ਵਿੱਚ, ਦੀ ਇੰਪੀਰੀਅਲ ਸਕੂਲ ਗਰੀਨ ਕੈਂਪਸ ਆਦਮਪੁਰ ਦੀ ਇੱਕ ਹੋਣਹਾਰ ਵਿਦਿਆਰਥਣ ਚੇਹਕ ਤਨਵਰ ਨੇ ਸ਼ਾਨਦਾਰ ਪ੍ਰਦਰਸ਼ਨ ਕੀਤਾ ਅਤੇ ਡਾਂਸ (14-15 ਸਾਲ ਉਮਰ ਸਮੂਹ) ਸ਼੍ਰੇਣੀ ਵਿੱਚ ਪਹਿਲਾ ਸਥਾਨ ਪ੍ਰਾਪਤ ਕੀਤਾ। ਚੇਹਕ ਨੇ ਕੁੱਲ ਚਾਰ ਰਾਊਂਡ ਸਫ਼ਲਤਾਪੂਰਵਕ ਪਾਸ ਕੀਤੇ ਅਤੇ ਗ੍ਰੈਂਡ ਫ਼ਿਨਾਲੇ ਵਿੱਚ ਦੇਸ਼ ਭਰ ਤੋਂ 19 ਭਾਗੀਦਾਰਾਂ ਨੇ ਇਸ ਸ਼੍ਰੇਣੀ ਵਿੱਚ ਹਿੱਸਾ ਲਿਆ। ਆਪਣੀ ਵਧੀਆ ਪ੍ਰਦਰਸ਼ਨੀ ਅਤੇ ਪ੍ਰਭਾਵਸ਼ਾਲੀ ਪ੍ਰਤਿਭਾ ਨਾਲ, ਚੇਹਕ ਨੇ ਸਾਰੇ ਜੱਜਾਂ ਨੂੰ ਮੋਹਿਤ ਕੀਤਾ ਅਤੇ ਜੇਤੂ ਦਾ ਖਿਤਾਬ ਜਿੱਤਿਆ।

      ਉਸਨੂੰ ਇਨਾਮ ਵਜੋਂ ਇੱਕ ਟਰਾਫ਼ੀ, ਸਨਮਾਨ ਵਜੋਂ ਸਰਟੀਫਿਕੇਟ ਅਤੇ 3100 ਰੁਪਏ ਨਕਦ ਇਨਾਮ ਵਜੋਂ ਦਿੱਤਾ ਗਿਆ। ਮਾਗਮ ਦਾ ਨਿਰਦੇਸ਼ਨ ਅਤੇ ਨਿਰਮਾਣ ਵਰੁਣ ਬਾਂਸਲ ਦੁਆਰਾ ਕੀਤਾ ਗਿਆ ਸੀ। ਮਹਿਮਾਨ ਵਜੋਂ  ਵਿਕਰਾਂਤ ਭਾਟੀਆ, ਸਿੱਧ ਸ਼ਰਮਾ, ਬਲਵਿੰਦਰ ਸਿੰਘ, ਰੋਹਿਤ ਖਾਨ, ਸਾਹਿਲ ਜੋਸ਼ੀ, ਬਲਵੰਤ ਸਿੰਘ ਸ਼ਾਮਲ ਸਨ। ਇਸ ਤੋਂ ਇਲਾਵਾ ਮੁੱਖ ਮਹਿਮਾਨ ਵਜੋਂ ਪ੍ਰੀਤ ਦਿਸੋਰ ਅਤੇ ਸੇਲਿਬ੍ਰਿਟੀ ਮਹਿਮਾਨ ਵਜੋਂ ਚਾਚਾ ਬਿਸ਼ਨਾ ਜੀ ਜੱਜ ਵਜੋਂ ਮੌਜੂਦ ਸਨ। ਇਸ ਮੌਕੇ ’ਤੇ ਦੀ ਇੰਪੀਰੀਅਲ ਸਕੂਲ ਦੇ ਚੇਅਰਮੈਨ ਸ਼੍ਰੀ ਜਗਦੀਸ਼ ਪਸਰੀਚਾ, ਡਾਇਰੈਕਟਰ ਸ਼੍ਰੀ ਜਗਮੋਹਨ  ਅਰੋੜਾ, ਪ੍ਰਿੰਸੀਪਲ ਸ਼੍ਰੀਮਤੀ ਸਵਿੰਦਰ ਕੌਰ ਮੱਲ੍ਹੀ, ਵਾਈਸ ਪ੍ਰਿੰਸੀਪਲ ਸ਼੍ਰੀਮਤੀ ਪੂਜਾ ਠਾਕੁਰ ਨੇ ਚੇਹਕ ਦੀ ਪ੍ਰਾਪਤੀ ’ਤੇ ਮਾਣ ਪ੍ਰਗਟ ਕੀਤਾ ਅਤੇ ਉਸਦੇ ਉੱਜਵਲ ਭਵਿੱਖ ਦੀ ਕਾਮਨਾ ਕੀਤੀ।