ਇੰਨਕਮ ਟੈਕਸ ਵਿਭਾਗ ਵੱਲੋਂ ਆਦਮਪੁਰ ਵਿਖੇ ਜਾਗਰੂਕਤਾ ਕੈਂਪ ਲਗਾ ਕੇ ਲੋਕਾਂ ਨੂੰ ਕੀਤਾ ਜਾਗਰੂਕ

ਕੈਂਪ ਦੌਰਾਨ ਆਏ ਇਨਕਮ ਟੈਕਸ ਵਿਭਾਗ ਦੇ ਉੱਚ ਅਧਿਕਾਰੀਆਂ ਦਾ ਸਵਾਗਤ ਕਰਦੇ ਹੋਏ ਨਗਰ ਕੌਂਸਲ ਦੇ ਪ੍ਰਧਾਨ ਦਰਸ਼ਨ ਸਿੰਘ ਕਰਵਲ ਰਾਜਕੁਮਾਰ ਪਾਲ ਸਤਪਾਲ ਬਜਾਜ ਅਤੇ ਹੋਰ  ਕੈਂਪ ਦੌਰਾਨ ਹਾਜ਼ਰ ਵਪਾਰੀ l

ਆਦਮਪੁਰ 1 ਦਸੰਬਰ (ਅਮਰਜੀਤ ਸਿੰਘ)- ਚੀਫ ਕਮਿਸ਼ਨਰ ਇੰਨਕਮ ਟੈਕਸ ਅੰਮ੍ਰਿਤਸਰ ਡਾ. ਜੀ.ਐਸ. ਪਹਾਨੀ ਕਿਸ਼ੋਰ ਦੇ ਹੁੱਕਮਾਂ ਅਨੁਸਾਰ ਤੇ ਇੰਨਕਮ ਟੈਕਸ ਵਿਭਾਗ ਜਲੰਧਰ ਵੱਲੋਂ ਇੱਕ ਜਾਗਰੂਕਤਾ ਕੈਂਪ ਨਗਰ ਕੌਂਸਲ ਆਦਮਪੁਰ ਦੇ ਦਫਤਰ ਵਿਖੇ ਪ੍ਰਿੰਸੀਪਲ ਕਮਿਸ਼ਨਰ ਜਲੰਧਰ - 1 ਜੇ.ਐਸ. ਮਿਨਹਾਸ ਅਤੇ ਧਰਮਿੰਦਰ ਪੂੰਨੀਆਂ ਐਡੀਸ਼ਨਲ ਇੰਨਕਮ ਟੈਕਸ ਕਮਿਸ਼ਨਰ ਰੇਂਜ-4 ਜਲੰਧਰ ਦੀ ਅਗਵਾਈ ਹੇਠ ਲਗਾਇਆ ਗਿਆ। ਇਸ ਕੈਂਪ ਮੌਕੇ ਵਿਨੇ ਸ਼ਰਮਾਂ ਇੰਨਕਮ ਟੈਕਸ ਅਧਿਕਾਰੀ ਵਾਰਡ 4 (3) ਜਲੰਧਰ ਅਤੇ ਇੰਸਪੈਕਟਰ ਪੂਜਾ ਚੌਹਾਨ ਵੱਲੋਂ ਆਦਮਪੁਰ ਦੇ ਲੋਕਾਂ ਨੂੰ ਜਾਗਰੂਕ ਕਰਦਿਆਂ ਹੋਇਆਂ ਕਿਹਾ ਕਿ ਸਾਨੂੰ ਬਣਦਾ ਟੈਕਸ ਸਮੇਂ ਸਿਰ ਜਮ੍ਹਾਂ ਕਰਵਾਉਣਾ ਚਾਹੀਦਾ ਹੈ ਅਤੇ ਇਸ ਟੈਕਸ ਨਾਲ ਹੀ ਦੇਸ਼ ਦਾ ਨਿਰਮਾਣ ਹੋ ਰਿਹਾ ਹੈ। ਉਹਨਾਂ ਕਿਹਾ ਕਿ ਸਾਨੂੰ ਇੰਨਕਮ ਟੈਕਸ ਵਿਭਾਗ ਵੱਲੋਂ ਦਿੱਤੀਆਂ ਗਈਆਂ ਹਦਾਇਤਾਂ ਦੀ ਪਾਲਣਾ ਕਰਨੀ ਚਾਹੀਦੀ ਹੈ। ਉਹਨਾਂ ਲੋਕਾਂ ਨੂੰ ਜਾਗਰੂਕ ਕਰਦਿਆਂ ਹੋਇਆਂ ਕਿਹਾ ਕਿ 15 ਦਸੰਬਰ ਤੱਕ ਆਪਣਾ ਅਡਵਾਂਸ ਟੈਕਸ ਜਮ੍ਹਾਂ ਕਰਵਾ ਕੇ ਆਪ ਆਪਣੇ ਜਿੰਮੇਵਾਰੀ ਤੋਂ ਮੁਕਤ ਹੋ ਸਕਦੇ ਹੋ। ਉਹਨਾਂ ਕਿਹਾ ਹੈ ਕਿ ਐਡਵਾਂਸ ਟੈਕਸ ਜਮ੍ਹਾਂ ਕਰਾਉਣ ਨਾਲ ਅਸੀਂ ਵਿਆਜ ਦੇਣ ਅਤੇ ਜੁਰਮਾਨਾ ਦੇਣ ਤੋਂ ਵੀ ਬਚ ਸਕਦੇ ਹਾਂ। ਇਸ ਮੌਕੇ ਆਏ ਹੋਏ ਲੋਕਾਂ ਨੇ ਵਿਭਾਗ ਦੇ ਉੱਚ ਅਧਿਕਾਰੀਆਂ ਨੂੰ ਭਰੋਸਾ ਦਵਾਇਆ ਕਿ ਉਹ ਆਪਣਾ ਟੈਕਸ ਸਮੇਂ ਸਿਰ ਜਮਾ ਕਰਵਾ ਕੇ ਆਪਣਾ ਫਰਜ਼ ਨਿਭਾਉਣਗੇ। ਜਾਗਰੂਕਤਾ ਕੈਂਪ ਦੌਰਾਨ ਹੋਰਨਾਂ ਤੋਂ ਇਲਾਵਾ ਨਗਰ ਕੌਂਸਲ ਦੇ ਪ੍ਰਧਾਨ ਦਰਸ਼ਨ ਸਿੰਘ ਕਰਵਲ, ਸਮਾਜ ਸੇਵਕ ਰਾਜ ਕੁਮਾਰ ਪਾਲ, ਸਮਾਜ ਸੇਵਕ ਜਗਦੀਸ਼ ਪਸਰੀਚਾ, ਸਤਪਾਲ ਬਜਾਜ, ਵਿਸ਼ਾਲ ਵਰਮਾ, ਨੀਲ ਕਮਲ ਕਪੂਰ, ਪਰਵੀਨ ਟੰਡਨ, ਸੰਜੀਵ ਨਾਈਅਰ, ਦੀਪਕ ਕਪੂਰ, ਮਨੋਹਰ ਲਾਲ ਟੰਡਨ, ਮੁਨੀਸ਼ ਮੱਕੜ, ਹਰਪ੍ਰੀਤ ਸੰਧੂ, ਗੁਲਸ਼ਨ ਵਰਮਾ, ਰਕੇਸ਼ ਅਨੰਦ ਰਿਕੀ, ਹਰਿੰਦਰ ਟੰਡਨ, ਬਬਲੂ ਟੰਡਨ, ਅਜੇ ਅਗਰਵਾਲ, ਰਾਜੂ ਗਾਂਧੀ, ਕੁਲਦੀਪ ਗੁਪਤਾ ਲਾਡੀ, ਅਸ਼ਵਨੀ ਸਿੰਘਲਾ, ਨਵਨੀਤ ਸਿੰਘ, ਧਾਮੀ ਜੂਲਰ ਅਤੇ ਹੋਰ ਬਹੁਤ ਸਾਰੇ ਵਪਾਰੀ ਹਾਜ਼ਰ ਸਨ।