ਗਰੀਬ ਨਿਵਾਜ ਐਨ.ਜੀ.ਓ ਵਲੋਂ ਦੂਸਰਾ ਮੈਡੀਕਲ ਕੈਂਪ ਅਤੇ ਪਹਿਲਾ ਖੂਨਦਾਨ ਕੈਂਪ ਸਫਲਤਾ ਪੂਰਵਕ ਸਮਾਪਤ ਹੋਇਆ

ਜਲੰਧਰ (ਕਰਮਵੀਰ ਸਿੰਘ)- ਹਿੰਦ ਦੀ ਚਾਦਰ ਧੰਨ-ਧੰਨ ਸ਼੍ਰੀ ਗੁਰੂ ਤੇਗ ਬਹਾਦਰ ਸਾਹਿਬ ਜੀ,ਭਾਈ ਮਤੀ ਦਾਸ ਜੀ, ਭਾਈ ਸਤੀ ਦਾਸ ਜੀ, ਭਾਈ ਦਿਆਲਾ ਜੀ, ਦੇ 350 ਸਾਲਾਂ ਸ਼ਹੀਦੀ ਸ਼ਤਾਬਦੀ ਨੂੰ ਸਮਰਪਿਤ ਗਰੀਬ ਨਿਵਾਜ ਐਨ.ਜੀ.ਓ ਵਲੋਂ ਸਮੂਹ ਸਾਧ ਸੰਗਤ ਤੇ ਐਨ.ਆਰ. ਆਈ ਭਰਾਵਾਂ ਦੇ ਸਹਿਯੋਗ ਨਾਲ ਪਿੰਡ ਚੁਖਿਆਰਾ ਵਿਖੇ ਦੂਸਰਾ ਫ੍ਰੀ ਮੈਡੀਕਲ ਕੈਂਪ ਅਤੇ ਪਹਿਲਾਂ ਖੂਨਦਾਨ ਕੈਂਪ ਭਾਈ ਕਨ੍ਹਈਆ ਜੀ ਚੈਰੀਟੇਬਲ ਬਲੱਡ ਬੈਂਕ ਹੁਸ਼ਿਆਰਪੁਰ ਦੇ ਸਹਿਯੋਗ ਨਾਲ ਲਗਾਇਆ ਗਿਆ। ਇਸ ਮੌਕੇ ਕਰੀਬ 11 ਖੂਨਦਾਨੀਆਂ ਵੱਲੋਂ ਖੂਨ ਦਾਨ ਕਰਕੇ ਸਮਾਜ ਦੀ ਸੇਵਾ ਲਈ ਵੱਡਮੁੱਲਾ ਯੋਗਦਾਨ ਵੀ ਪਾਇਆ ਗਿਆ। ਇਸ ਮੌਕੇ ਕਰੀਬ 150 ਦੇ ਕਰੀਬ ਲੋੜਵੰਦ ਮਰੀਜ਼ਾਂ ਦਾ ਚੈੱਕਅਪ ਕੀਤਾ ਗਿਆ ਅਤੇ ਉਹਨਾਂ ਨੂੰ ਫਰੀ ਦਵਾਈਆਂ ਦਿੱਤੀਆਂ ਗਈਆਂ। ਇਸ ਦੌਰਾਨ ਡਾ. ਐਸ.ਪੀ ਸੁਮਨ (ਐਮ.ਡੀ ਮੈਡੀਸਨ), ਡਾ.ਤਰਵਿੰਦਰ ਕੁਮਾਰ ਭਟੋਆ (ਆਰ.ਡੀ ਲੈਬ ਨਸਰਾਲਾ), ਡਾ. ਉਪਿੰਦਰ ਕੁਮਾਰ (ਦੰਦਾਂ ਦੇ ਡਾਕਟਰ ਕਠਾਰ), ਗਰੀਬ ਨਿਵਾਜ਼ ਐਨ ਜੀ ਓ ਦੇ ਸਹਿਯੋਗੀ ਮੈਂਬਰ ਕੁਲਵੀਰ ਸਿੰਘ ਘੁੜਿਆਲ, ਡਾ. ਤਰਵਿੰਦਰ ਕੁਮਾਰ, ਡਾ. ਪਰਮਿੰਦਰ ਸੂਦ, ਬਰਖਾ ਦਾਸ, ਸੁਖਦੇਵ ਸਿੰਘ ਭਾਟੀਆ, ਨਰੇਸ਼ ਪਾਲ, ਸਤਨਾਮ ਬੰਗੜ, ਅਵਤਾਰ ਸਿੰਘ ਸਰੋਆ,ਹਰਪ੍ਰੀਤ ਸਿੰਘ, ਹਰਦੀਪ ਭਟੋਆ, ਬਲਜੀਤ ਪੌਲ, ਗੁਰਪ੍ਰੀਤ ਸਿੰਘ ਮੈਡਮ ਰਮਨ, ਮੈਡਮ ਗਿੰਨੀ, ਗੁਰਪ੍ਰੀਤ ਸਿੰਘ,ਅਤੇ ਸਮੂਹ ਇਲਾਕਾ ਨਿਵਾਸੀ ਹਾਜ਼ਰ ਸਨ।