ਪਿੰਡ ਜੌਹਲ-ਬੋਲੀਨਾਂ ਵਿਖੇ ਸਲਾਨਾ ਮੇਲਾ 18,19 ਜੂਨ ਨੂੰ

ਸਲਾਨਾ ਮੇਲੇ ਸਬੰਧੀ ਜਾਣਕਾਰੀ ਦਿੰਦੇ ਬਾਬਾ ਜੀਤਾ, ਰਾਕੇਸ਼ ਕੁਮਾਰ ਰਿੱਕੀ, ਰਾਮ ਮੂਰਤੀ

ਅਮਰਜੀਤ ਸਿੰਘ ਜੰਡੂ ਸਿੰਘਾ- ਦਰਬਾਰ ਬਾਬਾ ਚੁਸ਼ਮਾ ਸ਼ਾਹ ਜੀ ਪਿੰਡ ਜੌਹਲ ਬੋਲੀਨਾਂ (ਜਲੰਧਰ) ਵਿਖੇ ਨਗਰ ਦੀਆਂ ਸਮੂਹ ਸੰਗਤਾਂ ਦੀ ਹਾਜਰੀ ਵਿੱਚ ਸਲਾਨਾ ਮੇਲਾ ਸ਼ੁਰੂ ਹੋਇਆ ਹੈ। ਪ੍ਰੈਸ ਨੂੰ ਜਾਣਕਾਰੀ ਦਿੰਦੇ ਦਰਬਾਰ ਦੇ ਸੇਵਾਦਾਰ ਬਾਬਾ ਜੀਤਾ ਜੀ, ਪ੍ਰਧਾਨ ਰਾਕੇਸ਼ ਕੁਮਾਰ ਰਿੱਕੀ, ਕੈਸ਼ੀਅਰ ਰਾਮ ਮੂਰਤੀ, ਨਰਿੰਦਰ, ਰਘੁਨਾਥ ਫੋਜ਼ੂ, ਹਰਵਿੰਦਰਪਾਲ, ਅਮਨਪ੍ਰੀਤ, ਕੁਲਦੀਪ, ਗੁਰਦੇਵ ਪਾਲ, ਚਮਨ ਲਾਲ, ਜਤਿਨ ਬਾਘਾ, ਗੋਰਵ, ਮਾਨਵ, ਦਿਵਿਆਂਗ, ਮੁਕੇਸ਼ ਮੋਹਿੱਤ, ਸੁਖਦੇਵ ਰਾਜ, ਰਿੰਪੀ, ਲਖਵੀਰ, ਸ਼ਾਨੀ ਬਾਘਾ, ਬਲਜੀਤ ਨੇ ਦਸਿਆ ਕਿ ਗ੍ਰਾਮ ਪੰਚਾਇਤ, ਸਮੂਹ ਨਗਰ ਨਿਵਾਸੀ ਅਤੇ ਐਨ ਆਰ. ਆਈ ਵੀਰਾਂ ਦੇ ਸਹਿਯੋਗ ਨਾਲ ਕਰਵਾਏ ਜਾ ਰਹੇ ਇਸ ਸਲਾਨਾ ਮੇਲੇ ਦੋਰਾਨ 18 ਜੂਨ ਨੂੰ ਸ਼ਾਮ 5 ਵਜੇ ਚਾਦਰ ਤੇ ਚਿਰਾਗ ਰੋਸ਼ਨ ਕਰਨ ਦੀ ਰਸਮ ਸੰਗਤਾਂ ਵੱਲੋਂ ਅਦਾ ਕੀਤੀ ਜਾਵੇਗੀ ਉਪਰੰਤ ਕਵਾਲ ਰਿਆਜ ਅਲੀ ਤੇ ਸਾਥੀ ਕਵਾਲੀਆਂ ਦਾ ਪ੍ਰੋਗਰਾਮ ਤੇ ਪੰਮੀ ਰੋਸ਼ਨ ਨਕਾਲ ਐਂਡ ਪਾਰਟੀ ਨਕਲਾਂ ਦਾ ਪ੍ਰੋਗਰਾਮ ਪੇਸ਼ ਕਰਨਗੇ। 19 ਜੂਨ ਦੇ ਸਮਾਗਮਾਂ ਮੌਕੇ ਦੁਪਿਹਰ 12 ਵਜੇ ਗਾਇਕ ਸੰਜੀਵ ਲਾਡੀ, ਗਾਇਕ ਸੁਭਾਸ਼ ਭੱਟੀ ਤੇ ਮਿਸ ਸਰਬਜੀਤ ਸੋਨੀਆ ਗੀਤਾਂ ਨਾਲ ਪੀਰਾਂ ਦੀ ਮਹਿਮਾ ਦਾ ਗੁਨਗਾਨ ਕਰਨਗੇ। ਉਪਰੰਤ ਮੂਰਤੀ ਸੁਰੀਲਾ ਐਂਡ ਪਾਰਟੀ ਨਕਲਾਂ ਦਾ ਪ੍ਰੋਗਰਾਮ ਪੇਸ਼ ਕਰਨਗੇ। ਪ੍ਰਬੰਧਕਾਂ ਨੇ ਇਲਾਕੇ ਦੀਆਂ ਸਮੂਹ ਸੰਗਤਾਂ ਨੂੰ ਇਨ੍ਹਾਂ ਸਮਾਗਮਾਂ ਵਿੱਚ ਹੰੁਮ-ਹੰੁਮਾਂ ਕੇ ਪੁੱਜਣ ਦੀ ਅਪੀਲ ਕੀਤੀ ਹੈ।